Во согласност со спецификациите од TS 119 612 клаузулата 5.3.7, ‘соодветните информации за шемата’ содржат најмалку:

(а) Воведни информации во однос на обемот и контекстот на листата на даватели на квалификувани доверливи услуги и на квалификувани доверливи услуги, основната шема за надзор и шемата за регистрација на шемите. Текстот што се користи е следниот:

Ова е Листата на даватели на квалификувани доверливи услуги и на квалификувани доверливи услуги во машински читлив формат на Република Северна Македонија која ги содржи и информациите кои се однесуваат на давателите на квалификувани доверливи услуги врз кои врши надзор Министерството за дигитална информација, заедно со информациите за квалификуваните доверливи услуги кои тие ги обезбедуваат, во согласност со соодветните одредби пропишани со Законот за електронски документи, електронска идентификација и доверливи услуги (“Службен весник на Република Северна Македонија” број 101/19, 275/19; 3/25; 135/25).
Листата на даватели на квалификувани доверливи услуги и на квалификувани доверливи услуги е основен елемент за градење доверба кај операторите на електронскиот пазар овозможувајќи им на корисниците да го утврдат квалификуваниот статус и историјата на статусот на давателите на квалификувани доверливи услуги и нивните услуги.
Листата ги содржи најмалку информациите наведени во членовите 2 и 5 од Правилникот за формата и начинот на објавување на листата на даватели на квалификувани доверливи услуги и листа на квалификувани доверливи услуги (“Службен весник на Република Северна Македонија” број 47/20).
Во листата може да се запишат давателите на доверливи услуги кои не се квалификувани, како и информации за неквалификуваните доверливи услуги кои тие ги обезбедуваат. Тие треба да се јасно наведени дека не се квалификувани според националното законодавство.
Во листата може да се запишат информации за други видови доверливи услуги определени со Законот за електронски документи, електронска идентификација и доверливи услуги (“Службен весник на Република Северна Македонија” број 101/19, 275/19; 3/25; 135/25) и тие треба да се јасно наведени дека не се квалификувани.

(б) Специфични информации за основната шема за надзор и шемата за регистрација на шемите, особено:
Информации за системот за надзор применлив за даватели на квалификувани и за неквалификувани доверливи услуги, како и за квалификувани и за неквалификувани доверливи услуги, како што е определено со Законот за електронски документи, електронска идентификација и доверливи услуги (“Службен весник на Република Северна Македонија” број 101/19, 275/19; 3/25; 135/25);

Оваа специфична информација за секоја основна шема наведена погоре вклучува најмалку:
(1) Општ опис;
(2) Информации за процесот на следење на надзорот и информации за регистрација.
(3) Информации за критериумите врз основа на кои се спроведува надзорот над давателите на доверливи услуги.
(4) Информации за критериумите и правилата што се користат за избор на супервизори или ревизори и дефинирање на начинот на кои тие вршат оценување на сообразност на давателите на доверливи услуги и доверливите услуги кои тие ги обезбедуваат.
(5) Кога е применливо, други контактни и општи информации што се однесуваат на спроведувањето на шемата.